Æi vertu úti...

...kæri formaður. Það hefur enginn spurt þig, enda ertu ekki hluti af umræðunni.

Er ekki hægt að loka ykkur Kjartan Gunnarsson saman einhvers staðar á eyðieyju? Gætuð tekið Hannes Hólmstein með ykkur, já og það eru nokkrir fleiri sem mættu fylgja með.

Stórskaðar hagsmuni Íslands

Kæri Björgólfur Thor

Nú segir þú enn einu sinni að logið sé upp á þig.

Hvernig væri að þið fyrrum auðmenn kæmuð fram og segðuð einu sinni satt. Stuttu eftir hrunið komst þú fram í viðtali á Stöð 2, náðir að græta hörðustu menn og gott ef ekki sást glitta í geyslaBAUG ofan við hrokkið hárið. Þar sagðir þú að mánudaginn fræga í október sl. hefðu íslensk stjórnvöld fengið möguleika á að leggja "smá"-upphæð inn á reikning í GB til að liðka fyrir um að Landsbankinn yrði samþykktur af breska fjármálaeftirlitinu. Íslensk stjórnvöld hefðu ekki svarað því tilboði.

Síðar kom í ljós að þeir bresku könnuðust ekki við þetta tilboð. Fór reyndar furðu hljótt um þá frétt miðað við hvað þetta atriði er gífurlega mikilvægt.

Nú segir þú og þínir líkar endalaust að allt sé lygi, en aldrei koma nein mótrök. Aðeins fullyrðingar. Og einhverjar yfirlýsingar í gegnum talsmanninn.

Það er klárt að eitthvað gerðist. Reynið nú að tala beint út en ekki í gegnum "talsmann" ykkar. Það hrynur ekki heilt bankakerfi á stuttum tíma án þess að einhver hafi gert eitthvað rangt. Þið eruð þessir "einhver", og því krefjumst við, sem eigum að blæða fyrir þetta, skýringa. 

hb

 

 

Björgólfur Thor: Skipulagður óhróður, véfréttir og lygar

Er örugglega ekki 2. apríl?

Ég hélt að þetta væri aprílgabb. Nú las ég fréttina aftur yfir og jú, þeir eru að biðja um afslátt af bankanum sem þeir keyptu. Já, ókey, þetta var gölluð vara. Dugði ekki nema í 6 ár!

Varar við borgarastyrjöld

Aumingja Sigurður :-(

Merkilegt hvað SGG laðast að þar sem fnykurinn er sterkastur. Ég held að þeir félagar eigi litla samúð þjóðarinnar. Lifi réttlætið!

Sigurður G: „Sérstakur dómur“ yfir Baldri

Tilvistarkreppa Flokksins

Mikið óskaplega eruð þið miklir sauðir í Flokknum. Þjóðin hefur öskrað á aðgerðir, aðkomu erlendra sérfræðinga að lausn vandans mikla og svo framvegis. Loksins er að hylla undir eitthvað af viti og hvað gerir Flokkurinn? Jú, spá í hvort þetta sé löglegt. Svei-attan. En, eru ekki neyðarlög í gildi í landinu? Þá hlítur að vera í lagi að grípa til örþrifaráða. Hafa íþróttamenn ekki fengið hraðþjónustu um ríkisborgararétt? Mætti beita því til þrautavara.

Þarf að skoða málið betur

Mótmæli á Íslandi....

...virðast eiga undir högg að sækja. Þau eru talin hallærisleg leið til að koma skoðunum sínum á framfæri og stjórnvöld virðist ekki ætla að taka þau gild nema öruggur meirihluti landsmanna mæti á mótmælafund. Það þarf semsagt 160.001 mann á Austurvöll eða í Háskólabíó (!) til að mótmæli teljist gild. Þó eru einhverjir sem myndu þá segja að innan um væri fólk sem væri þarna óvart og ætluðu ekki að mótmæla.

Grein Birnu Þórðardóttur í Mogganum í dag (23.12.2008) er nokkuð góð. Hún er undrandi á því að Kolbrún Bergþórsdóttir sé orðin þreytt á mótmælendum og skemmdarverkum þeirra. Hvernig vill Kolbrún að fólk komi skoðunum sínum á framfæri? Ef ekki er hlustað, er tekið til annarra ráða.

Ég er stoltur af því að hafa mætt á nokkra fundi, en hef þó undanfarið verið allt of latur við það. Þakkir til ykkar sem hafið enn þrek í að halda baráttunni gangandi. Látum það ekki viðgangast að útrásarvíkingarnir einkavæði gróðann en ríkisvæði tapið.

hb

Óttast að uppúr sjóði

Siðleysi drullusokkanna

 

Hvað eigum við að láta þetta ganga langt? Við megum ekki mótmæla því þá erum við "skríll" eða "lýður". Eina sem þetta pakk skilur er að hunsa það. Hættum að versla........nei það gengur ekki, það eru drullusokkar í eigendahóp allra verslana.

Hvernig væri að búa til lista yfir fyrirtæki og verslanir sem EKKI eru tengdar drullusokkunum? Mér dettur í hug fyrst:

Rangá við Skipasund

Vínberið á Laugavegi

Hagabúðin

.....Koma svo

 

Next og Noa Noa aftur í eigu sömu hjóna

Er þetta trúverðugt?

Sá þáttinn Brennpunkt í NRK1 í kvöld.
Fékk nokkrum sinnum aulahroll fyrir hönd þjóðarinnar. Þessir menn ættu að skammast sín.
Sjáið t.d. þetta: http://www.nrk.no/contentfile/file/1.6323051!email-fra-tryggvi.jpg

Sjá einnig lista yfir 30-menningana.
http://lillo.blog.is/blog/lillo/entry/723646/
Er kannski óhætt að hækka töluna?

Yfirlýsing frá Jóni Ásgeiri

Frábært. Ráðum þá alla aftur. Þeir stóðu sig svo ljómandi vel.

Er þetta trúverðugt herra Geir? Ég las þá skýringu í Mogganum í morgun að millistjórnendur væru með svo mörg sambönd og mikla kunnáttu að bankarnir væru knúnir til að njóta starfskrafta þeirra áfram! Svo eigum við bara að trúa því.

Ráðinn framkvæmdastjóri gamla Glitnis

Hver er fréttin?

Auðvitað gagnrýndi hann þau! Má ekki styggja Bretana? Æi nei, þeir eru svo viðkvæmir. Greyin.

HVAÐ ER Í GANGI? HERRA ÓRG: ÞÚ ERT FLOTTASTUR - ÁFRAM ÓRG.

 

Forsetinn gagnrýndi nágrannaríki